O novo goberno encarga unha auditoría económica e financeira do Concello
Primeira medida do executivo: encargar un estudo actualizado da situación económica para coñecer con detalle o estado das contas herdadas.
Apenas 24 horas despois da toma de posesión, o novo goberno municipal aprobou en xunta de goberno encargar unha auditoría económica e financeira completa do Concello.
A medida ten un dobre obxectivo: coñecer con exactitude o estado real das contas herdadas e poñer a disposición da cidadanía unha información transparente sobre a situación financeira da institución.
Por que unha auditoría?
A auditoría preliminar interna realizada polo PSdeG e Marea xa apuntaba a unha débeda real de 6,7 millóns de euros, fundamentalmente por:
- ~4 M € coa Mancomunidade Serra do Barbanza
- ~0,6 M € de déficit anual
- ~1,1 M € en préstamos pendentes
- ~1 M € en facturas pendentes de pago
Tamén se detectou que o presunto remanente de 2,4 M € correspondía en realidade a fondos asociados ao proxecto ARD Ría da Estrela.
Próximos pasos
Os resultados da auditoría servirán de base para a redacción do orzamento 2026 e para a planificación financeira do mandato.