Balance dos primeiros 6 meses: traballamos todos a un tempo por Noia
Seis meses despois da toma de posesión, o alcalde fai balance: dunha herdanza «case catastrófica» a un goberno con orzamento aprobado e relacións fluídas en pleno.
Cando asumín a alcaldía o 11 de agosto de 2025 atopeime cunha situación que rozaba niveis catastróficos: facturas pendentes superiores a un millón de euros, obras sen orzamentar e servizos cunha grave deficiencia, especialmente o saneamento.
Seis meses despois, podemos dicir que a situación está estabilizada.
O que tiñamos
- Débeda real de 6,7 M €
- EDAR parada vertendo augas residuais sen depurar
- Orzamento prorrogado dende 2024
- Polígono industrial ao 100% de ocupación, sen suelo nuevo en 9 anos
- Obras estratéxicas paralizadas (Abruñeiras, Abastos, Chaínza, Museo do Mar)
O que xa cambiou
- Orzamento 2026 aprobado en xaneiro (14,7 M €) co BNG
- Limpamos Noia activado, con todas as parroquias planificadas
- Custo do goberno reducido un 20%
- EDAR en obra (3 M €) e potabilizadora (>1 M €) en marcha
- Albergue da Chaínza aberto (abril 2026)
- Inicio do estudo SEA para ampliación de Augalevada (150.000 m² de novo solo industrial)
A clave: relacións fluídas
A unidade do equipo de goberno (PSdeG + Marea + Alamancos) e a fluidez co BNG dende a oposición foron os elementos clave. "Traballamos todos a un tempo por Noia, e iso nótase nos resultados."
Queda moito por facer — centro de día, escola infantil 0-3, regeneración da ría — pero a base xa está posta.