Liberamos prazas de aparcamento na rúa Xuíz Falcone para uso veciñal
Recuperamos para a cidadanía varias prazas reservadas para traballadores municipais. Os aseos públicos pechados serán reformados como almacén municipal.
Na primeira semana de mandato, o novo goberno ordenou a liberación de varias prazas de aparcamento na rúa Xuíz Falcone que estaban reservadas para o uso exclusivo de traballadores municipais.
A medida pretende devolver á cidadanía o espazo público que estaba sendo utilizado de forma restritiva, e facelo coincidir cunha primeira sinalización mellorada da zona.
Os aseos pechados, futuro almacén
Os aseos públicos do parking, pechados durante o mandato anterior por problemas de uso indebido (PP precintou dúas estancias e xudicializou unha terceira), serán reformados e habilitados como almacén municipal para o servizo de mantemento.
A operación non require obra de gran calado e podería estar lista nas próximas semanas.